منوعات

ملخص قصة أشهر بيضة في العالم ..!!

فى بداية شهر يناير 2019 اتعمل أكونت على انستجرام بإسم “world_record_egg” ونزل علية صورة بيضة وصاحب الاكونت طلب من الناس إنهم يوصلوا البيضة دي لرقم قياسي جديد في عدد الايكات .!!

وبالفعل في أقل من أسبوع الصورة وصلت لـ25 مليون لايك! اللي بدورها حطمت الرقم القياسي اللي كانت عاملاه Kylie Jenner
اللي كان عن طريق صورة لها بتعلن فيها عن ولادتها لبنتها “Stormi” السنة اللي فاتت واللي حصلت عليها على 18 مليون لايك!

صورة البيضة كمان موقفتش لحد كدا وبس.. حالياً وصلت لأكثر من 50 مليون لايك !

وبكده تبقى عملت رقم قياسي جديد كأكتر صورة على انستجرام وصلت لعدد من اللايكات لحد دلوقتي.
الأكونت من أول اسبوع ليه اتوثق من Instagram وأخد علامة الـVerify الزرقاء وعليه دلوقتي حوالي 8.7 مليون فولور بسبب بس صورة البيضة!
الصورة أخدت تسليط إعلامي قوي والقصة انتشرت في أغلب الصحف والمجلات المتهمة بالتكنولوجيا والغير مهتمة كمان
البيضة بقت Trend على مستوى العالم كله .

بعده نشر الصورة بأسبوعين نزل صورة تانية لنفس البيضة بس عليها شق صغير.!
اللي وصلت لحد دلوقتي اكتر من 11 مليون لايك

بعدها الأكونت نزل صورة جديدة يوم 22 يناير لنفس صورة البيضة ولكن عليها شقوق أكتر

بيعتقد الناس من أول يوم انتشر فيه الترند ده أن الأكونت ده اتعمل لغرض دعائي لبراند أو سلعة جديدة!
وعلى ما يبدو إن البيضة دي هتفقس قريب وهتطلع منها شئ ما! على سبيل المثال ممكن تكون
براند جديد؟ سلعة جديدة ..!!

إغلاق